تقرير زيارة الفريق كاملا لدار الايتام .... يلا بينا نشوف

السلام عليكم ورحمة الله وبركاته ... ازيكم يا جماعة ... النهاردة البوست تقيل جدا جدا ... وممكن يكون طويل لانه هيشمل تغطية الشباب .. وتغطية البننانيت .. كمان وكله بالصور ... يلا بينا نشووووووووووووف ايه اللي

حصل ؟؟؟

أولا: تقرير الشباب

الحمد لله الذى هدانا لهذا وما كنا لنهدتى لولا ان هدانا الله قبل ماقول تفاصيلى اللى حصل في يوم الزيارة عايز اقلكم حاجه صغيره .. طول عمر الانشغال احسن من الفراغ بس لما تكون مشغول لله طعم تانى بجد لما تروح وتحط راسك على سريرك وانت تعبان عشان كنت بترسم بسمه على وجه طفل وحاسس انك لسه وراك شغل تانى وبدا جدولك يتملى بمواعيد خير بتلاقى حياتك لوحدها بتمشى لله عشان تبقى احلى حياه .. بسرعه ندخل فى تفاصيل اليوم (تقرير+ صور الزياره) يلا معانا
فى تمام الساعه9.5وعلى محطة ثكنات المعادى تواجد كل من احمد عادل واحمد قاسم وابراهيم عباس فى انتظار بقية الشباب وعلى وجه اخر انتظر البنات بعضهم وكانو مجموعه كبيره جدا بفضل الله ككتيرعلى الساعه 10 تحركنا فى تاكسيات للداروترحيب حااااار بالاطفال لينا لدرجه ان 5 اطفال ركبو فو كتف احمد قاسم و eng ahmed واحمدعادل اللى تعب جدا وكريم كمان وابراهيم كلو بجد تعبوالاندلسى الشباب كانو فى حرب لذيذه جدا مع الاطفال وحبناهم وهما حبونا وبدا اليوم الشباب مع الولاد فى دور والبنات مع البنات فى دور ومفيش اى شاب شاف اى بنت يعنى مكنش فيه اى اختلاط واللى حضرو يقولو لو فى حاجه غير اللى انا بقوله
بدانا فى الكلام مع الاطفال والتعرف عليهم وتوزيع الحلويات بقياده احمد قاسم اللى علم العيال الادب وحبوه جداوبالذات شريف وفتحى وغنينا معاهم شويه وكل شاب كان واخد 10 بيتكلم معاهم بس بصراحه معرفش كانو بيقولو ايه وبعد كده وزعنا عليهم ورق و الوان وخليناهم يرسمو وطلعت المواهب المدفونه وكلو فى الصورباين ... على الساعه 12 بدا استاذ ابراهيم عباس فى تشغيل فيلم فيدو قصه سيدنا سليمان وكان طفل حتى قله فى قصه سيدنا سوبر مانوده طبعا احنا هنعالج ونربط الاطفال بالشخصيات الاسلاميه بعد كده على 1.00صلينا الظهر وراح بعد كده الاطفال للغداء وبعد ماجم سلمنا عليهم وختمنا معاهم اليوم ومشينا فى طريقنا الى ثكنات المعادى

اليكم الصور

*******************************

أما بقى تقرير البنانيت

فهيكون على لسان احدى البننا نيت

أولا في تمام الساعة 9:15 اتقابلنا انا والأخوات آية الله وميادة ودينا ومي في محطة المترو سبقتنا آية ودينا وبقية الأخوات على الدار لتنظيمها قبل وصول الناس وانتظرت انا وميادة في المترو مستنين وصول بقية الأخوات

وصلنا الى الدار وأستقبلتنا المسئولة عن الدار وأوصلتنا لغرفة الأطفال وكانوا عبارة عن 44 طفلة من سن 2_8 سنوات وبجد ماشاء الله عليهم زي السكربدأنا نتعرف على الأطفال ووزعنا عليهم حلويات وهما بجد كانوا متجاوبين معانا جداا وبعدين بدأنا معاهم برنامج كنا حاطينه للزيارة

. أولا من الساعة 11- 11:30 قعدنا نغني أغاني جميلة مع الأطفال هما قعدوا يسقفوا معانا بدأنا من الساعة 11:30- تقسيم الأطفال الى مجموعات كل مجموعة مسئول عنهم مجموعة من الأخوات

المجموعة الأولى : كانوا بيلعبوا لعبة الكراسي الموسيقية وماشاء الله عليهم بيجروا جري وماشاء الله على السرعة كانوا بيضربوا بعض عشان يقعدوا على الكراسي طبعا بس الأخوات قامواا بشغل تمام وعلموهم الأدب ونظموهم كويس جدا بس الحمد لله في نهاية اللعبة مكنش في خسائر في الأرواح

المجموعة التانية : ودي من أكتر المجموعات اللي الأطفال حبوها وهي مجموعة التلوين جبنا صور لللأطفال يلونوها وبجد بجد ظهر الفن وكان في صور أطفال ملونينها بطريقة حلوة جدااااا وفي صور ماشاء الله ايه تحفة المهم ان الصور عامة كانت جميلة بعد التلوين

المجموعة التالتة: كانت مجموعة من الأطفال قاعدين مع أخت من الأخوات بيغنوا معاها وكمان بتسألهم أسئلة دينية مناسبة لسنهم زي الصلوات الخمسة أسمايهم ايه وكدة يعني وكان اللي بيجاوب من الأطفال بنديلها هدية رمزية

وكل مجموعة كانت بتخلص نشاطها تتنقل للمجموعة التانية وبعد ماخلصنا النشاطات دي عملنا لمجموعة من الأطفال مسابقة في القرآن الكريم قسمناهم لفريقين وكنا بنقول جزء من سورة في القرآن والفريق اللي يكملها ليه جأئزة

وفي نهاية الوقت جمعنا الأطفال وقامت أخت دينا بحكاية قصة سيدنا أبراهيم وبعد ماخلصتها سألتهم عليها أسئلة وبجد ماشاء الله على الأطفال بجد بجد أذكياء جدااااا وبيركزاو قويييييي وتقريبا جاوبوا على كل الأسئلة اللي دينا سألتها

في تمام الساعة1 ظهرا روحنا احنا والأطفال نصلي الظهر وصلينا معاهم جماعة وبجد كانت من أحلى الجماعات اللي صليتها وبعد كدة أتصورنا مع الأطفال وبعدها على طول راح الأطفال للغداء وبعض من الأخوات قعدوا يرتاحوا لأننا بجد كنا خلاااااااااص تعبنا جدا واحنا روحنا لأطفال سن 6 شهور لسنة بجد دول بقى حاجة تانية مالهاش وصف بجد كانوا جمال قوي وصغيرين قويي

وبعد كدة بدأنا نودع الأطفال عشان كنا ماشين خلاص مع ان والله مكنش في حد فينا عاوز يروح بجد الأطفال كانوا روعة وبجد أكتر حاجة أثرت فيه في اليوم ده أطفال كانوا بيجوا يقولولنا انتوا هتمشوا وتسيبونا انهردة مش هتقعدوا معانا بس احنا وعدناهم بزيارات تانية قريب ان شاء الله وكمان من الحاجات اللي أثرت فيه الأطفال اللي هما عمرهم شهور بجد حسيت ان دول هم أكتر ناس محتاجة للحب والحنية

في تمام الساعة 2 ونص مشينا من الدار وروحنا

بس بجد مش لاقية كلام تاني أوصف بيه جمال اليوم ولا الرضى اللي كانت كل واحدة فينا حاساه من جوة قلبها وكمان الحمد لله اليوم مكنش في أختلاط بالأخوة خالص لأنهم كانوا في مكان واحنا كنا في مكان تاني خالص

بجد ياجماعة لازم لازم نزور الأطفال الأيتام دايما والله ياجماعة هتحسوا أد ايه ان احنا في نعمة مش حاسين بيها ولا موفينها حقها من الشكر أنا بشكر ربنا على والدي ووالدتي جداااااااا ربنا يديمهم نعمة يااااارب علينا كلنا

وياااااااااارب الناس اللي مقدرتش تيجي بعذر ربنا يعوضها اااااارب يوم أحلى من ده والناس الل مجتش المرة دي ومكنتش تعرف ان شاء الله في زيارات جاية كتيييييير اوعوا تفوتوها ... جزاكم الله خيرا كثيراا

إليكم الصور

مع تحياتنا
صوت الفريق الاعلامى
حيــــــــــــــــــــــــــــــ لله ــــــــــــــــــــــــــــاتى

وابتدأ الشغل اللي بجد

انا مش فاهم حاجة يا عمنا .. شغل ايه .. آآآآآآآه نسيت اقلكم اننا بإذن الله هننزللكم تغطية لاجتماع الفريق الاول على ارض الواقع واللي تم فيه عرض رؤية الفريق ... انتظرونا بس وانتوا مستنييييين كده تعالوا معانا نطيع مولانا ونبدأ الشغل اللي بجد ... تعالوا نشوف هنعمل اييييه ... يلا وبسم الله نبدا .. ما تصلوا على الحبيب ( صلى الله عليه وسلم )

السلام عليكم ورحمه الله وبركاته

عااااااااارف هتقولولى هوه انت تاااااااانى ... هوه مش الاجتماع بتاع الفريق كان امبااارح ...استنو بس اجتماع الفريق ده كان تعريف بنشاطات الفريق لكن انا جاى النهارده عشان اقولكم يلااااااا بقا الشغل الجد بدأ

اخيرا وبعد طــــــــــــــــ انتظارــــــــــــــول

هنبدأ خلاص وهنفرّح بينا نبينا وحبيبنا محمد ( صلى الله عليه وسلم ) لما نروح نزور الايتام وندخل البسمه على وجوههم يلا نتجمع فى اول زياره للفريق بعد الامتحانات ها نحط النوايا ونشوف النشاط زيــــــــــــاره مجمعه للفريق كله دار ايتام ( اولاد وبنات )

الزمان : السبت القادم الموافق 28-6-2008

المكان : هنتجمع فى محطه مترو ثكنات المعادى اتجاه حلوانالتجمع الساعه ( 9 ونص ) صباحا فى المترو ونرجو عدم التاخير

احتياجات الدار : جميع المواد الغذائيه ( عصائر - لحوم بانواعها - ارز - مكرونات - كيك - شيبسى - فواكهه - جبن - معلبات........... ) كل فرد حسب مقدرته يجيب ( مفتوحه )بالنسبه للناس اللى هاتيجى من سفر ياريت يكلمونا عشان لو مش هيقدوا يجوا 9 ونص هنحدد معاهم لاى استفسار ابعتولنا رسايل خاصةلو حد عاوز أرقام حد من الاخوةأخونا(( أحمد قاسم موجود فى الخدمة )) مسؤول اللجنة الخيرية عن الشباب .... اما البنات نرجو انها تبعت لأخواتنا :ايه الله (( الباشمهندسة آية )) أو أختنا :الملاك الطائر (( الباشمهندسة دينا )) ... (( مسؤولات اللجنة الخيرية عن الأخوات ))على الميل او رساله خاصه عالمنتدى لو عايزه رقمها او اى استفسار منها

احلى تجمع فى طاعه الله

فريق حياتى لله

تنظيم لجنه الاعمال الخيريه

مع تحياتنا

صوت الفريق الاعلامى

حيــــــــــــــــــــــــــــــ لله ــــــــــــــــــــــــــــاتى

يا ترى امتى هيجتمع الفريق في الفترة اللي جاية وفييين

هو ده اللي هنعرفوا كلنا دلوقتي ... ستاند باي .. كلاكيت اول مرة .. أكشن ... سيدـــ ...يا جماعة مش كده كل مرة ننسى اننا على الهوا يلا يا هندسة قول الاعلان بصوت عالي وعرف الناس يلا .. اقول ما اقول يلا تدخل وتتكلم ... شكلي كويس كده .. يلا يا هندسة خلاص الناس استوت

السلام عليكم ورحمة الله وبركاته

أخيييييييرا وبعد طول انتظار

يصبح الحلم حقيقة و يتحول الخيال إلى واقع تتشابك القلوب والوجدان معا لننسج خيوطا نورانية نصنع بها مجدا جديدا لأمتنا أحبابنا وكيف ننساكم وقد عشنا الحب وياكم ... ووالله وحشتوووونا وأكيد احنا كمان وحشناكم .. يلا معانا هنقلكم كل حاجة عن لقاء الفريق المجمع الاول

يلا كده نسمي باسم الله الرحمن .. ونصلي على النبي صلى الله عليه وسلم ثلاث مرات

بصوا يا جماعة احنا ان شاء الرحمن هنتجمع يوم الأربعاء القادم الموافق 25/6/2008 بعد صلاة العصر مباشرة (الساعة الثانية - ظهرا ) مساءا .. هتقولوا طبعا فين .. اقلكم انا هنتجمع بإذن الرحمن في مدينة نصر - آخر شارع عباس العقاد تقاطعه مع شارع مصطفى النحاس عند بنزينة كالتكس - الشارع اللى قبلها فيه كنيسة - سنتر "عين" جنبها وهوا دا مكان التجمع. ( دا سنتر تعليمى يا جماعة دخول الفرد بــ 7 جنيه ودا طبعا للسنتر مش للفريق )

اما بقى الهدف بتاع اللقاء ده علشان كله يبقى على نور ... ما تصلوا على الحبيب صلى الله عليه وسلم

إنه إن شاء الله يا جماعة سيتم عرض خطة ( رؤية ) الفريقخلال لقاء تجميعى لأعضاء الفريق على أرض الواقع ...واللى هيتم فيها ان شاء الله عرض الجدول الزمنى للأعمال والأنشطةالخاااااصة بالفريق فى المرحلة المقبلة ...وخصوصا أول عمل للفريق خلال فترة الاجازة(( زيارة دار الأيتام ))وايضا للاجابة عن أى أطروحات جديدة للفترة المقبلة.

طب يا ترى مين اللي ييييجي

جميييييييع أعضاء ومحبى فريق حياتى لله القديم والجديد اللى نعرفه من على المنتدى واللى ما نعرفوش ولكل اللى عاوز يتعرف على فريقنا عن قرب ينوّرنا و يشرفنا بالحضور وان شاء الله يا جماعة الشباب هيكونوا مع بعض والبنات هيكونوا مع بعض .. مش تقلقوا .. نطمن من الحتة دى ان شاء الله بمعنى ان اللقاء هيتم بالضوابط الشرعية ان شاء الله تعالى .. ودعواتكم معانا ومستنينكم يا حبايبنا

مع تحيات

الصوت الاعلامي للفريق

أعمال الفريق .. يا ترى هي اييييه ؟؟

يا ترى هتكون ايه الاعمال اللي هايعملها الفريق .. مممم .. مش عارف... تعرف يا بشمهندس .. اديني بفكر اهوه ... يا رجالة يا رجالة انا عندي فكرة ... قول يا ابو الافكار ..هاقول ومن غير ضرب .. قووووووووول - طبعا كله في صوت واحد - يلا قوول

احنا ممكن نلعــــــــــــ .. و ممكن نزوــــ .. وومكن نقيـــــ .. وكمان نعمـــ ونخـــ .... و .. و.. ......... يا جماعة احنا على الهوا

برده .. نفس غلطة المرة اللي فاتت .. احم احم

السلام عليكم ورحمة الله وبركاته .. اهلا بيكم مرة تانية مع بوست جديد من المدونة الرسمية لفريق حياتي لله .. واخر الاخبار وايه هي اعمال الفريق زي ما سبق ووعدناكم اننا نقولها البوست اللي جاي .. وجينا ووفينا بوعدنا وهنقلكم على كل شئ من طاطأ لسلاموا عليكم وبعدها مستنين اقتراحتكم واضافتكم على ايميل ادارة الفريق الموجود في المدونة ... المهم ندخل في الموضوع ونقولكم ايه هي اعمال الفريق بالتفصيل .. يلا معانا

الأعمال والأنشطة :


1/ ماتش خيرى.
2/ زيارات دورية وثابتة لدور الأيتام والمسنين.
3/ معرض خيرى للملابس.
4/ مشروع الشرايط.
5/ مشروع تربوى : " تعالوا نبنى نفسنا بجد "
( خاص بتربية الأفراد داخل الفريق تربية صحيحة على المعنى الصحيح للإسلام )
6/ مشروع تبادل الكتب.
7/ محاضرات وندوات.
8/ زيارات المدارس.
9/ متابعة أعمال الجمعبات الخيرية الاخرى للإستفادة منها.
10/ حملة : معا ضد الغش :
(تم الاعداد لها وطبع الاستيكر الخاص بهاوبفضل الله كانت مفعلة كويس وتنتهي بنهاية كافة امتحانات الجمهورية)

11/ ..................................... .
12/ .................................... .

وبعد ما قلنا اللي عندنا مستنين اقتراحتكم واضافتكم . زي ما قلنا على ايميل الفريق ... وانتظرونا في البوست القادم وموعدكم مع يا ترى امتى هيجتمع الفريق في الفترة اللي جاية وفييين .. تابعونا ومستنينكم تنورونا .. مع تحيات / الصوت الاعلامى لفريق حياتى لله

حياتي لله .. يا ترى ايه الحكاية .. ما تيجوا نعرف

قلنا هنبني وادينا بنينا السد العالي ... احم احم ايه اللي انت بتقوله ده يا عم احنا على الهوا دلوقتي والناس كلها سامعانا وعايزين يعرفوا ايه حياتي لله دي .. يلا اتكلم وبلاش فضايح .. حاضر هتكلم أهوه ** جاهزيييييييييين .. يلا يا عم ...... حاضر

السلام عليكم ورحمة الله وبركاته .. ازيكم يا شباب بنانيت و شبان .. اهلا ومرحبا بيكم في مكانكم وبيتكم المدونة الرسمية لجروب حياتي لله .. هو ايه الحكاية .. الحكاية وببساطة ان مجموعة من الشباب من محبي الداعية مصطفى حسني وغيره من الدعاة حبوا يتجمعوا على طاعة الله ويعملوا فريق يعين بعضه على طاعة ربنا وعلى العمل الخيري وقعدوا مع بعض وفكروا وكانت النتيجة تكوين الفريق نفسه و انشاء جروب باسم الفريق على الياهوو باسم حياتي لله وله صفحة خاصة على منتدى مصطفى حسني وله ايضا صفحة خاصة على الفيس بوك والله الموفق ... اما بقى حكاية الفريق بدأت بتجمع 9 أعضاء من منتدى محبي الداعية مصطفى حسني وقالوا تعالوا نتجمع ونعمل عمل نرضى بيه ربنا ونكون مسخرين لخدمه امتنا واتجمعوا واتفقوا على نشاط الفريق واهدافه وكان نشاط الفريق انه الاعضاء تتجمع على ان يكون هدفها ان حياتها دائما لله بسكناتها وبحركاتها وببذلها وبعطائها لله ويكون الهدف الاساسي فك كرب اي مسلم وزياره احبائنا الايتام والمسنين وادخال السرور عليهم والمشاركه فى مشروعات الفريق وعلشان تشارك معانا وطبعا نسعد بيك ده اللينك بتاع الجروب http://groups.yahoo.com/group/7yate_allah/ على الياهو ونتمنى تزورونا وتشاركونا اعمال الفريق.

أما بقى اهداف الفريق فهي :

1/ الوصول بأعضاء الفريق إلى الغاية المطلوبة وهى : إرضاء الله تعالى والتجمع فى جنّته.

2/ استغلال كل دقيقة فى حياة الفرد فى طاعة الله .

3/ إعطاء الصورة الصحيحة للإسلام بشموليته فى شتّى مناحى الحياة

4/ تميّز الفريق عن بااااااااقى الجمعيات والفرق الخيرية على الساحة.

5/ إعداد كوادر وقيادات لقيادة المجتمع المدنى الذى نعيش فيه.

6/ إحياء روح الأمّة وإعادة مجدها ... وبث روح الإسلام فى جسدها.

7/ إيجاد النموذج الجيد للفرد المسلم اللى يقتدى به.

8/ تربية الأفراد على المعنى الشمولى للإسلام ... فالإسلام دين شامل يتناول مظاره الحياة جميعا..

وكل ده خدناه واستوحناه وكمان كان منه اسم الفريق حياتي لله من قول ربنا جل وعلا "قل ان صلاتي ونسكي ومحياي ومماتي لله رب العالمين " .. عشان كده اتجمعنا واتقابلنا واتعمل الفريق وندعو الله مخلصين له الدين ان يوفقنا واياكم وان يابرك عمل الفريق فاللهم آميييييييين يا رب العالمين ... دي بداية بسيطة كده واستنونا على المدونة الرسمية للفريق وتابعوا كل اخبارنا .. والبوست القادم هو ايه هي اعمال الفريق؟؟ .. يا ترى هتكون ايه وطبعا مستنين اقتراحتكم