قلنا هنبني وادينا بنينا السد العالي ... احم احم ايه اللي انت بتقوله ده يا عم احنا على الهوا دلوقتي والناس كلها سامعانا وعايزين يعرفوا ايه حياتي لله دي .. يلا اتكلم وبلاش فضايح .. حاضر هتكلم أهوه ** جاهزيييييييييين .. يلا يا عم ...... حاضر
السلام عليكم ورحمة الله وبركاته .. ازيكم يا شباب بنانيت و شبان .. اهلا ومرحبا بيكم في مكانكم وبيتكم المدونة الرسمية لجروب حياتي لله .. هو ايه الحكاية .. الحكاية وببساطة ان مجموعة من الشباب من محبي الداعية مصطفى حسني وغيره من الدعاة حبوا يتجمعوا على طاعة الله ويعملوا فريق يعين بعضه على طاعة ربنا وعلى العمل الخيري وقعدوا مع بعض وفكروا وكانت النتيجة تكوين الفريق نفسه و انشاء جروب باسم الفريق على الياهوو باسم حياتي لله وله صفحة خاصة على منتدى مصطفى حسني وله ايضا صفحة خاصة على الفيس بوك والله الموفق ... اما بقى حكاية الفريق بدأت بتجمع 9 أعضاء من منتدى محبي الداعية مصطفى حسني وقالوا تعالوا نتجمع ونعمل عمل نرضى بيه ربنا ونكون مسخرين لخدمه امتنا واتجمعوا واتفقوا على نشاط الفريق واهدافه وكان نشاط الفريق انه الاعضاء تتجمع على ان يكون هدفها ان حياتها دائما لله بسكناتها وبحركاتها وببذلها وبعطائها لله ويكون الهدف الاساسي فك كرب اي مسلم وزياره احبائنا الايتام والمسنين وادخال السرور عليهم والمشاركه فى مشروعات الفريق وعلشان تشارك معانا وطبعا نسعد بيك ده اللينك بتاع الجروب http://groups.yahoo.com/group/7yate_allah/ على الياهو ونتمنى تزورونا وتشاركونا اعمال الفريق.
أما بقى اهداف الفريق فهي :
1/ الوصول بأعضاء الفريق إلى الغاية المطلوبة وهى : إرضاء الله تعالى والتجمع فى جنّته.
2/ استغلال كل دقيقة فى حياة الفرد فى طاعة الله .
3/ إعطاء الصورة الصحيحة للإسلام بشموليته فى شتّى مناحى الحياة
4/ تميّز الفريق عن بااااااااقى الجمعيات والفرق الخيرية على الساحة.
5/ إعداد كوادر وقيادات لقيادة المجتمع المدنى الذى نعيش فيه.
6/ إحياء روح الأمّة وإعادة مجدها ... وبث روح الإسلام فى جسدها.
7/ إيجاد النموذج الجيد للفرد المسلم اللى يقتدى به.
8/ تربية الأفراد على المعنى الشمولى للإسلام ... فالإسلام دين شامل يتناول مظاره الحياة جميعا..
وكل ده خدناه واستوحناه وكمان كان منه اسم الفريق حياتي لله من قول ربنا جل وعلا "قل ان صلاتي ونسكي ومحياي ومماتي لله رب العالمين " .. عشان كده اتجمعنا واتقابلنا واتعمل الفريق وندعو الله مخلصين له الدين ان يوفقنا واياكم وان يابرك عمل الفريق فاللهم آميييييييين يا رب العالمين ... دي بداية بسيطة كده واستنونا على المدونة الرسمية للفريق وتابعوا كل اخبارنا .. والبوست القادم هو ايه هي اعمال الفريق؟؟ .. يا ترى هتكون ايه وطبعا مستنين اقتراحتكم
26 comments:
السلام عليكم ..
والله فكرة جميلة جدااا
وربنا يوفقكم يا رب
وان شاء الله مستنينكم ... متتأخروش :)
أخوكم
بجد فكره اكثر من رائعه ..... ومستنين اكتر عشان الرؤيه توضح . وباذن الله هكون معاكم.
سلام عليكم بجد انا معجبة جدا بالجروب ونفسى اشارك معاكم وربنا يعنا ويعنكم على طاعتة ويارب نقدم حاجة تفيد المجتمع
إخواني حتى النخاع
----------------
جوزيت خيرا على المرور .. وان شاء الله ربنا الموفق والمعين ... ومش تخاف بإذن الله مش هنتاخر أبدا بإذن الله ... بس دعواتك ... سعدنا بمرورك وفي انتظار متابعتك واقتراحاتك
hima
----
نورت يا ريس ... وخليك معانا انت بس والرؤية هتوضح وتكون تماما -- طالاما في طاعة الله -- ونتشرف انك تكون معانا وتشترك معانا كمان في اعمالنا.. بس انت ادخل على لينك الجروب وشارك يلا ... ونورت يا هيما وجوزيت خيرا على المرور وتابعنا دايما ..أوكيشن
esraa
------
ربنا يعز حضرتك يا استاذة اسراء ونورتينا بزيارتك جدا .. حضرتك احنا نسعد بمشاركتك معانا والانضمام لفريق حياتي لله ولو عايزة تنضمي لينا في حضرتك لينك للجروب على الياهوو ممكن تشاركي فيه وتتتابعينا هنا وتوصلك رسايلنا واي حاجة هانعملها بإذن الله
بس تابعينا حضرتك بس ... وربنا يعين حضرتك ويعينا على طاعته وبغذن الاه ايدنا في ايد بعض نقدم حاجة تفيد المجتمع
ربنا يجعله ان شاء الله فى ميزان حسنات كل القائمين على الفكرة الحلوة دى
ارجوكم انا عايزة اشترك معاكم
وربنا يجمعنا فى الفردوس الاعلى ان شاء الله
dina mohamed
************
السلام عليكم يا استاذة دينا نورتي يا فندم وربنا يتقبل منا ومنكم يا فندم .. اما بقى عن اشتراكك معانا فده حضرتك هيكون عن طريق اشتراكك في جروب الفريق على الياهوو واتعرفي على مشرفة البنانيت في الفريق على الميل ده hyaty_allah@yahoo.com وانتي من خلالها هتعرفي كل شئ وممكن تشاركينا اعمالنا كمان وربنا يتقبل وتحت امر حضرتك في اي استفسار
السلام عليكم ورحمه الله وبركاته
كلام جميل كلام معقول مقدرش اقول حاجة عنه
ماشاء الله بداية موفقة وربنا يوفقنا جميعا لما يحبه ويرضى عنه
Anonymous
**********
وعليكم السلام ورحمة الله وبركاته .. اهلا وسهلا بيك .. وجزاكم الله خيرا على الاطراء ده ... ونورت وربنا يوفقنا جميعا لما يحب ويرضى ... ونرجوا من الله ذلك
ربنا يبارك يا شباب ويلا بقه نبدأ شغل
بس يا جماعه فى حاجه الموسيقى اللى فى الأغنيه ملهاش لزمه يعنى ممكن تكون اختيارت تشغلها بدل ما كل شوية بتشتغل لوحدها انا على فكره مش بلوم على حد اخد برأى العلماء اللى قالو حلال بس يا ريت متكنش اجبارى عشان الناس اللى مش بتسمع موسيقى يا ريت نصحتى متكنش تقيله
shbabelgana@yahoo.com
خاص بأستفسارات اعضاء شباب الجنه
السلام عليكم ورحمة الله
الله أكبر ولله الحمد
الحمد لله على هذه النافذة الإعلامية الجديدة للفرييق
أسال الله أن ينعنا بها
إبراهيم عباس
اللجنة الدينية
بسم الله
يا شبابنا دا لينك مدونة جديده كنت عملتها من فتره وبصراحه مكنتش عارف اوصلها تاني
لكن لحمد لله وصلت بالسلامة
المدونه برضه خاصه بالفريق عموما
لكن بمشروع تعالو نبني نفسنا بجد
المشروع التربوي الإيماني للفريق
أكرمنا الله وإياكم
إبراهيم عباس
اللجنة الدينية
اسف جدا كتبتب المقدمة ونسيت أكتب اللينك
عموما اللينك اهو
http://7yaty-lellah.blogspot.com/2008/05/blog-post.html
والمدونه لسه جديده خالص
let's be better
***************
نورتنا يا فندم .. وجوزيت خيرا على الدعاء .. انا بقى يا فندم حكاية الاغنية فمتهيألي هي مش فيها حاجة واغنية حلوة وهادفة .. ومش تقلق ان شاء الله نشوف لها حل او نغيرها باذن الله الفترة اللي جاية .. ونصيحتك مش تقيلة ولا حاجة .. دمتم بخير
استاذ ابراهيم عباس
*******************
نورتنا يا فندم ... واهلا ببتوع اللجنة الدينية - سام مربع يا ابني - بنرحب بحضرتك جدا يا فندم وبنقلك دعواتك يا فندم ... بس انا كان لي رأي كده في موضوع مدونة البرنامج التربوي ده هابقى ابعتهولك بعدين يا ريس ... نورت ياباشا
طبعا احنا اتكلمنا على الخاص امبارح يا فندم واتكلمنا فى الموسيقى مش الأغنيه تمام
السلام عليكم الله و رحمة الله و بركاته
بارك الله فيكم و نفع بكم و بهذا الفريق الرائع
عمل موفق و مجهود تشكرون عليه .. أسأل الله أن يجعله في ميزان حسناتكم
و معكم إن شاء الله بكل ما نستطيع
أطيب الاماني و التحايا
و السلام عليكم
المتيم
******
وعليكم افضل سلام ورحمة من الله وبركة .. جوزيت خيرا اخي الكريم ومستنين مشاركاتك معانا باذن الله .. دمت بكل خير
السلام عليكم
ربنا يعزكم يارب
انا منتظر وجهة نظرك
خصوصا اني معرفتش ادخل على المدونة تاني
عموما ربنا يكرمكنا اجمعين
وياااااااااااااريت بلاش يافندم دي عشان مبحبهااااااااااااش نهاائيا
جزاكم الله خيرا
السلام عليكم
اتمنى من الله ان يوفقكم فى المدونه واكيد هكون معاكم والله المستعان ويجعل الاعمال الصالحه فى ميزانا ان شاء الله
تحيه طيبه للشيخ مصطفي وبعد الله يوفقك ونحن نريد المزيد من البرامج لانك غبت علينا كتير اوي والله معك
مشروع رائع .. أعانكم الله وجعلكم سببا لإصلاح حال شباب المسلمين
Post a Comment