اول عمل لفريقنا في اول رمضان للفريق.. تعالوا نشوف ايه اللي حصل

السلام عليكم ورحمة الله وبركاته

بعد طول غياب .. واعتذار مننا لـاخيرنا عنكم في الردود وفي متابعة انشطة الفريق .. جايين في شهر العفو نقول للعفو سامحنا وتقبلنا ونقول لحبايب العفو جل وعلا .. سامحونا واستنونا بكل قوة باذن الله ونتمنى تشاركونا أعمال الخير اللي ربنا بيمن علينا بيها .. ونتمنى تنولوا الخير زي كل الصحبة الصالحة الحلوة دي ... يلا ربنا يتقبل بس قبل ما نقول اي حاجة واللي هانقوله النهاردة هو تقرير اول عمل خيري يقوم بيه الفريق في رمضان .. وهو زيارة دار ايتام اولادي .. تعالووووووووووووا معانا نشوف

تقرير الشباب

صحينا من النوم ولبسنا هدومنا ............. جددنا النيه ولله قمنا
وقلنا يارب بارك فى يومنا........ علشانك كل الدنيا تهون
وفى المحطه احنا اتقابلنا........ وبالاحضان على بعض سلمنا
حبنا فى الله دايما يجمعنا ........ والشيطان هيكون مسجون
خدنا مواصله وعلى الدار روحنا ....... لقينا اطفال هتداوى جروحنا
لقينا ملايكه هتفرحنا ........ وضحكه بريئه بتنسى هموم
لعبنا شويه كده وغنينا ........ والاطفال قاعدين حوالينا
وكمان ربنا فرحان بينا......... يااااااه ده الواحد كان محروم
دلوقتى ميعاد التربوى جانا ...... والاطفال قاعدين ويانا
قرآن وحديث وعقيده وياما ...... كلام هيبنى عقول ويصون
وجه اذان الجمعه ينادنيا ....... على المسجد روحنا وصلينا
ورجعنا نودع احبابنا ......... قبل مانمشى فى لحظة سكون
رمضان يامكتر اعمالنا ..... وتربى حسنات فى ميزانا
ياللى مجتش معانا ادعيلنا ........ وادعيى المره الجايه معانا تكووون

ربنا يكرمكم ياشباب الاسلام ويحفظكم وبجد انا بفرح لما بلاقى الهمم ديه انا انا ايه بسربنا سبحانه وتعالى ورسوله هما اللى بيفرحوا بينا وملايكه كمان بتكون حوالينا
طيب عايزين ايه تانى بجد لازم تكونوا معانا ومستنينكم فى المرات القادمه

وبعد ما شوفنا تقرير الشباب بتوع الفريق تعالووووووووا برده معانا نشوف

تقرير البنانيييت

بسم الله الرحمن الرحيم
السلام عليكم ورحمة الله طبعا طبعا كلكوا شوق للتقرير
اصل زيارتنا المرة دي ، مش زي اي زيارة فاتت لاااااااااااااااااااااااااااا دي اول زيارة لفريقنا في رمضان ، واول رمضان اصلا في عمر فريقنا فريق حياتي لله
طيب من غير رغي كتيربينا نشوف الفريق عمل ايه

مع شمس يوم 12 رمضان ، تاني يوم من ايام الرحمة كالعادة المعتادة ، انتظرنا بعض على المحطة ، وكلنا شوق لبعض اتجمعوا بنات حياتي لله ، الساعة 9 ونص بالتمام ، واتحركنا من المحطة الساعة 10 إلا 10
وصلنا الدار ، وامام الدار كان في كمان جزء من بنات حياتي لله منتظر هناك وناس جت مخصوص من محافظات ، من طنطا ومن 6اكتوبر ، بجد حاجة تفرح وانطلقت بنات حياتي لله نحو مبنى الاطفال دخلنا المبنى واستنينا البنات
وهنا كان اللقاء ويااااااااااااااا له من لقاء البنات جريوا علينا ، واحضان ، وعيون مليانة فرحة اوي وشوق اوي اوي ، ولهفة عشان نقعد نضحك ونتكلم ، نعلم ونتعلم بس شوقنا ليهم المرة دي ، كان فوق الخيال ، انا عن نفسي اخدت بناتي في حضني واتمنيت لو عمري يقف هنااتمنيت لو اللحظة دي يقف عندها زماني ، واكمل حياتي لحد مماتي وبناتي في حضني
يومنا بقى كان حاجة كده تحفة جدا

اول ساعة من اليوم (من الساعة 10 لحد الساعة 11) ، كانت ترفيهي ، في البداية انشدنا مع البنات شوية ، وبدانا اللعب باه قسمنا البنات فريقين
اول لعبة لعبناها ، كانت الكراسي الموسيقية وياسلام عاللي حصل ، كل مرة يانلاقي بنت مش موجودة ، يانلاقي كرسي زيادة ونعيد من الاول لا بس ايه البنات ، كانوا مصرين يكملوا للاخروكانوا قايمين بالواجب تمام اوي مع الكراسي ، ومع كل كرسي يقع ، يقع قلبي انا وزينب معاه( فهماني طبعا يازينب)
اللعبة اللي بعدها ، كانت شد الحبل ووقفت واحدة من بنات حياتي لله في مقدمة كل فريق اثناء شد الحبل (قال يعني عشان احنا اجمد من البنات) ويلا مش هقول ان زينب كانت على راس احد الفريقين ، وكسبت الفريق احلى مكسب من حلاوته الفريق كله اتكوم في الارض وغلبناكواااااااا

ولعبنا لعبنا لعبنا ، لعبنااااا لحد ماتعبنابعد كده ، ختمنا الساعة الترفيهية ، بنشيد (تعالوا نحلم نبقى كبار)عملنا دايرة كبيييييييييييرة وقعدنا نغني ، وطبعا لا ننسى الدور الرائع لاحلى منشدة في احلى فريق زينب ام الباسل ( حبيبتي انا انتي انتي انا بحبك في الله جدااااا واكتر منك

خلصت الساعة الترفيهية ، وجه معاد الساعة التربوية( من الساعة 11 حتى الساعة 12) ها معانا ولا نمتوا

هنا بقى احنا بنات حياتي لله انقسمنا مجموعتين مجموعة نزلت تكييس البلح مع زينب ، ومجموعة بدات الشغل التربوي معاي اولو ان كان نفسي اوي انزل اكيس البلح معاهم ، بس لزوم التقسيم والتنظيم بقى

كل مجموعة من بنات حياتي لله ، بدأوا في جمع بناتهم واستقرت المجموعات وبدات الشغل التربوي

اتكلمنا عن الصيام ، وسمعنا ابداعات ابداعات بس اللي يفرح بجد لما تحس ان في بنات عايزين يعرفوا تاني ، كل ماتخلص يقولوا ايه تاني طبعا مش كلهم ، بس في جزء كده المهم حفظنا مع بعض الدعاء اللي بنقوله قبل الفطار ، وكانوا متجاوبين معانا جداوعرفنا احنا بنصوم ليه ، وبنصوم ازاي ، ومن امتى لحد امتى

وكنا في قمة السعادة لما كنا نسال بناتنا هو احنا بنصوم عن الاكل والشرب بس ولا بنعمل ايه؟؟؟ويالللللللللللله عالاجابات ، كنت ببص في عيونهم وهم بيردوا عليا ، كنت بشوف الام اللي هتكبر اجيال صالحةوالزوجة اللي تكون خير عون لزوجها على طاعة اللهوالطبيبة والمهندسة والمحاسبة والمدرسة

ثم انطلق نداء الصلاة ، وحان الان موعد اذان الظهر وفقا للتوقيت المحلي لمدينة القاهرةسكتنا مع الاذان كلنا ، وردد وراه كل واحد مننا ، وبعد الاذان قلنا الدعاء كماناتوضينا مع البنات وتركناهم مؤقتا عشان نصلي في المسجدواد ايه كنا زعلانين وهما اكتر كمان ، لاننا كان المفروض نصلي معاهم وهدى بنتي بعد مارجعنا قالتلي انا مخصماكي عشان مصليتيش معايا

دخلنا المسجد ، وبدات الصلاةكنت بدور بعنيا في المسجد واقف شوية عند كل واحدة من بنات حياتي للهواقولها كلمة في سرياقولها بحبك اوي في الله لانك

......

ووقفت كتير شوية عند انا انتي انتي انا ، حبيبة قلبي ، ولو الفت قصايد يازوزو برده مش هعرف اوصلك اللي جوايا

كنت بسجد واقول يارب ، انت انعمت علينا نسجد كلنا مع بعض في مكان واحد ووقت واحد وقلبنا متجمع على قلب رجل واحد من غير مانسالك يارببس النهارده احنا بنسالك متحرمناش منها ياحبيبي ، متاخدش مننا لذة الحب فيك والتجمع على طاعتك ياغاية رغبتنا

وبعد الصلاة اتجهنا مرة تانية لمبنى البنات واحنا في الطريقوقفنا اتكلمنا مع بعض شوية عن رمضان واحوالنا فيه ، مقصرين ولا همتنا فوقوحبيبتي انتي انا انا انتي ، اتكلمت شوية عن الصلاة ، ويااااااااااااااااه لما زينب تتكلم عن الروحانيات بقى انا نفسي عشت معاها كل كلمة قالتها

ورجعنا لحبايبنا بناتنا ، قعدنا معاهم شوية صغيرين كمان وسلمنا عليهم ومشينا وكنت زعلانة اوي واحنا ماشيين ، البنات كانوا ماسكين فينا اوي وقعدوا يقولولي اقعدوا معانا كمان شوية

بس مشينا وكلنا شوق للزيارة الجاية ، ومن النهارده احنا في انتظارها عشان نشوف ولادنا وبناتنا ربنا يحفظهم يارب
نداااااااااااااااااااء عاجل جدامن صوت الفريقصوت الفريق : ياجماعة ، يابنات وياشباب ، ياللي مجيتوش المرة ديبجد فاتكوا كتير ، وهيفتكوا كتير كتير لو الزيارة الجاية انتوا مش معانايعني ناس جتلي من محافظات بعيدة ، وانتوا ياللي جمبي مش قادرين تيجوا
لا بجد انا زعلانة
.
.
.
ايه بتقولوا ايه جايين المرة الجاية ، وبلاش ازعل ، وايه كمان ؟؟زعلي غالي عليكواااااااااااااطيب خلاص
انا هستناكوا الزيارة الجاية ، والاطفال كمان هيستنوا معايا ، وقلوبكوا انا عارف هي كمان هتستنى الزيارةعشان تدوق الفرحة والشوق للذة العمل لله والحب في الله وتعرف معنى

حياتي لله